notas de prensa

A ceramista Nuria Figueiredo, unha das gañadoras do certame Novos Valores 2020, impartirá un taller de iniciación á cerámica destinado ao público adulto que se desenvolverá ao longo do mes de xuño. Esta nova proposta, na que poderán participar un total de doce persoas, terá lugar os días 2, 9, 16 e 30, de 18:30 a 20:30 horas, no Edificio Castelao. As persoas interesadas en asistir deberán enviar un correo electrónico a reservas.museo@depo.gal.

notas de prensa

notas de prensa

Visibilizar a creación artística realizada por mulleres, convidando á reflexión acerca da identidade e a desigualdade a través da obra de creadoras galegas ou vinculadas a Galicia é o obxectivo da exposición conmemorativa ‘Voilà la femme’, que permanecerá aberta ao público, no edificio Castelao, desde o 19 de maio ata o 10 de xullo.

notas de prensa

A Deputación de Pontevedra abriu o prazo de presentación de solicitudes para participar na edición 2022 do certame de artes plásticas Novos Valores ao que pode concorrer calquera artista, natural ou residente en Galicia, de entre 18 e 35 anos de idade. As persoas participantes nalgunha das modalidades establecidas (pintura, escultura, debuxo, deseño, gravado, fotografía, cerámica e vídeo creación, entre outras), optarán ás catro bolsas de 7.500 € cada unha coas que a Administración provincial busca incentivar a formación de artistas noveis.

notas de prensa

O edificio Castelao acolleu este martes a presentación do primeiro número da nova serie de publicacións de carácter divulgativo ‘Esenciais’, que ofrece un relato accesible para todos os públicos sobre as obras e artistas fundamentais da nosa colección. O volume inicial está dedicado a Alfonso Daniel Rodríguez Castelao, un persoeiro clave na Galicia do século XX imprescindible, tanto pola súa relevancia artística como pola súa implicación na creación desta institución. A obra, editada polo departamento de Publicacións deste museo, foi elaborada polo coordinador de Difusión e Contidos Divulgativos, José Manuel Castaño García.

notas de prensa

As correntes artísticas do século  XX, especialmente o art nouveau e o art déco, foron determinantes na expansión e o éxito da industria do perfume, que viviu a súa época dourada coa evolución dos frascos, inicialmente xenéricos, en pezas creadas por artistas, deseñadores e vidreiros. A exposición A presenza invisible, que permanecerá aberta ao público no Edificio Castelao desde o 7 de abril ao 12 de xuño, reúne máis de 200 botellas, así como caixas e estoxos de perfumes, xabón ou pos de arroz, realizadas entre 1896 e 1945, moitas delas convertidas hoxe en auténticas iconas das artes decorativas.