notas de prensa

Nesta nova edición de contacontos virtuais, que se inicia o sábado 13 de febreiro ás 10 h, o público infantil pode seguir desde as súas casas as catro narracións que realizarán Caxoto de A Trastenda dos Contos, Polo Correo do Vento, Beatriz Campos e Migallas Teatro.

Estas narracións, que se amosarán os sábados ás 10 h nesta Web e no Facebook, serán tamén interpretadas en lingua de signos pola Organización de Diversidade Sensorial de Galicia (Xoga).

notas de prensa

Máis de douscentos traballos presentaron as nenas e nenos participantes no concurso artístico infantil Vestindo o Ravachol. Deles o xurado elixiu unha creación por cada un dos tres grupos de idade estipulados na convocatoria e ademais, tendo en conta a alta participación nas dúas categorías de menor idade, decidiu conceder un accésit en cada unha delas. As obras premiadas, e todas as que participaron, están expostas na área de cristal do Edificio Castelao e pódense ver nesta Web.

notas de prensa

A mostra antolóxica José Suárez. 1902-1974, que poderá visitarse no edificio Castelao (antes Sexto Edificio) do 2 de marzo ao 18 de abril, recolle a obra dun dos máis vangardistas e orixinais fotógrafos galegos do século XX.

notas de prensa

Como este ano non se pode acompañar polas rúas da cidade o cortexo fúnebre de Ravachol nin asistir a súa incineración, queremos dar a coñecer a historia deste papagaio, convertido en símbolo do Entroido pontevedrés, cunha narración ilustrada para nenas e nenos e un encrucillado.