Pop-up. Libros móbiles e despregables

No edificio Castelao poderase ver desde o 29 de xullo, en que se inaugura ás 19:30 h, ata o 12 de outubro a exposición Pop-up que recolle unha selección dos máis de 2.400 libros móbiles e despregables da colección reunida polo matrimonio formado polos palentinos Ana María Ortega Palacios e Álvaro Gutiérrez Baños.

exposición <em>Pop-up</em>

Esta mostra permitirá ás persoas que a visiten coñecer a historia, a técnica e a temática destas curiosas publicacións que desafían o formato convencional e introducen entre as súas páxinas elementos mecánicos que converten as ilustracións en xogos interactivos que convidan a accionar algún mecanismo ou a observalos desde distintos ángulos.

exposición <em>Pop-up</em>

exposición <em>Pop-up</em>

Estes libros con elementos móbiles e despregables estiveron durante séculos dedicados a disciplinas coma a medicina ou a astronomía ata que, na segunda metade do século XVIII, atoparon a súa vocación lúdica ao apareceren as primeiras publicacións con imaxes despregables concibidas unicamente como entretemento.

Edificio Castelao. Do 29 de xullo ao 12 de outubro

Actualizado 22/07/2021 00:00

Deputación de Pontevedra Museo de Pontevedra