Noites de Música Antiga nas Ruínas de San Domingos

Actualizado 04/07/2017 00:00

museo de pontevedra

Os venres 7 e 14 de xullo, ás 22 h, celébrase a IX edición do ciclo de concertos de Música Antiga nas Ruínas de San Domingos. Actuarán os grupos Resonet e La Xácara. A entrada é de balde ata completar a cabida.

RESONET

O grupo Resonet actúa o 7 de xullo ás 22 h interpretando música de Claudio Monteverdi, o autor que en maior medida contribúe ao cambio da música no século XVII. Sen el, o barroco musical e a ópera moderna, tal e como a entendemos hoxe, non serían os mesmos.

Resonet formouse en 1990 en Santiago de Compostela. Os seus compoñentes están especializados na interpretación de música antiga nos máis recoñecidos centros de formación de Europa.

Mercedes Hernández, soprano

Paulo González, frautas

Carlos Castro, percusións

Estudio de Resonet, conxunto vocal

Fernando Reyes, tiorba e dirección

LA XÁCARA

O grupo galego La Xácara actúa o 14 de xullo ás 22 h. É unha agrupación de recente formación dedicada á interpretación de música antiga en instrumentos orixinais. Os seus membros teñen unha gran experiencia no eido da interpretación da música da Idade Media, Renacemento e Barroco formando parte doutras agrupacións especializadas neste tipo de música.

Julia Cea: canto e percusión

Tin Novio: tiorba e guitarra barroca

Víctor Illán: guitarra barroca e vihuela

Pablo Ruibal: viola da gamba

Deputación de Pontevedra Museo de Pontevedra