Actualizado 21/10/2019 00:00

museo de pontevedra

Unha conferencia para público adulto e un contacontos ilustrado para público infantil,  son as actividades das xornadas arredor da relación de García Lorca coa nosa cultura e a nosa  cidade que terán lugar no Sexto Edificio. Del partirá tamén un percorrido pola cidade. Serán os días 24 e 26 de outubro. Estas actividades de entrada libre están organizadas por Alvarellos Editora e Polo Correo do Vento  coa colaboración do Museo.

24 de outubro

CONFERENCIA a cargo de Henrique Alvarellos, editor, e Ramón Rozas, xornalista:

“Viaxe a García Lorca, poeta galego”

Ás 19:30 h no Sexto Edificio

26 de outubro

CONTACONTOS ILUSTRADO a cargo de Polo Correo do Vento:

“Seis poemas galegos”

Ás 12 h no Sexto Edificio.

ROTEIRO guiado por Enrique Mauricio e Carlos Taboada:

“Pontevedra cidade lorquiana”

Saída ás 13 h desde a entrada do Sexto Edificio.

Federico García Lorca (1898–1936) visitou Galicia por primeira vez o 25 de outubro de 1916. Á cidade de Pontevedra viría en dúas ocasións no ano 1932: primeiro coa compañía teatral La Barraca e logo invitado polo Comité de Cooperación Intelectual para dar unha conferencia sobre Marie Blanchard. En 1935 publica Seis poemas galegos coa editorial NÖS.