Obradoiros de Verán 2022

Actualizado 20/06/2022 00:00

museo de pontevedra

OBRADOIROS DE VERÁN 2022

Do 20 ao 27 de xuño estará aberto o prazo de inscrición para os obradoiros de verán do Museo cunha proposta renovada de actividades para nenas e nenos entre 6 e 12 anos. O Club dos Pinceis, Arte Rupestre, Pintura Contemporánea  e Obxectivo Galicia, serán os catro obradoiros que nesta ocasión terá a oportunidade de explorar a cativada.

Inscrición:

Farase a través da dirección de correo electrónico reservas.museo@depo.gal.  

En cada correo só poderá inscribirse un ou unha participante.

Adxudicarase un obradoiro por nena ou neno por estrita orde de inscrición. No caso de que o obradoiro desexado xa estivese cuberto ou quedasen prazas vacantes noutros, poderase indicar na solicitude os outros obradoiros nos que se queira participar, poñéndoos por orde de preferencia.

OBRADOIROS

O club dos pinceis

Imparte: Leucoíña Pasea

As e os participantes experimentarán con diferentes formas de expresión plástica e coñecerán algunhas das mulleres artistas da nosa colección.

Número de participantes: 15

Duración: 4 sesións (4 días) en horario de 11h a 13 h

Do 5 ao 8 de xullo

Nenos/as de 6 a 9 anos

Do 12 ao 15 de xullo

Nenos/as de 10 a 12 anos

Arte rupestre

Imparte: Galipat

Con este obradoiro internarémonos no fabuloso mundo da arte rupestre.

Número de participantes: 15

Duración: 4 sesións (4 días) en horario de 11.30h a 13 h

Datas: do 19 ao 22 de xullo

Nenos/as de 6 a 9 anos

Datas: do 26 ao 29 de xullo

Nenos/as de 10 a 12 anos

Pintura contemporánea

Imparte: Lúa Gándara

Obradoiro infantil de arte contemporánea no que partindo da obra de Maruja Mallo, Maria Antonia Dans, Almudena Fernández e Tatiana Medal exploraremos diferentes conceptos plásticos e conceptuais da pintura contemporánea.

Número de participantes: 15

Duración: 4 sesións (4 días) en horario de 11h a 13 h

Do 2 ao 5 de agosto

Nenos/as de 6 a 9 anos

Do 9 ao 12 de agosto

Nenos/as de 10 a 12 anos

Obxectivo Galicia

Imparte: departamento de Educación do Museo de Pontevedra

En relación coa exposición de fotografía de Ruth Matilda Anderson, que terá lugar do 4 de agosto ao 23 de outubro, a cativada coñecerá diferentes elementos da cultura galega como a vestimenta ou a artesanía.

Número de participantes:15

Duración: 4 sesións (4 días) en horario de 11h a 13 h

Do 16 ao 19 de agosto

Nenos/as de 6 a 9 anos

Do 23 ao 26 de agosto

Nenos/as de 10 a 12 anos

Deputación de Pontevedra Museo de Pontevedra